Бишкек шаарын каптаган түтүнгө башкы план күнөөлүү

Айлана-чөйрөнү коргоо жана токой чарбасы мамлекеттик агенттигинин директорунун орун басары Элдияр Шерипов Бишкек шаарын каптаган кара түтүндүн төрт себебин атады. Ал Жогорку Кеңештин жыйынына катышып, анда борбор калаанын абасынын булганышы талкууланды.

Шерипов кара түтүн автоунаалардан чыккан газдардан, жеке үйлөрдүн жылытылышынан жана ТЭЦтен чыккан газдардан пайда болуп жатканын айтты. Ал негизги себеп катары шаардын башкы планын атады.

«Ал түзүлүп, кабыл алынганда, шамалдын багыты эске алынган эмес. Курулуштар синоптиктеринин акыркы 10-15 жылдагы шамал режими боюнча жүргүзгөн байкоолорун эске алуу менен жүргүзүлүшү керектигин камсыздоо керек болчу», — ал.

Анын айтымында, учурда шаарда 450 миңге жакын унаа бар, мындан тышкары жүргүнчү ташуучу кичи автобустар дизель менен жүрөт.
Суук аба ырайы жана абанын жер тамдардагы мештен жана ТЭЦтен чыккан түтүн тумандун пайда болушуна алып келди. Нымдуулуктун айынан уулуу бөлүкчөлөр дем алуу органдарына гана эмес, көзгө жана териге терс таасирин тийгизет.

Быйыл Бишкек шаарына 100 автобус газ менен келет деп пландаштырылып, бирок каржы маселесинен улам автобустар келген жок.
Шерипов ошондой эле жаңы конуштардагы 12 миң 300 үй газдаштырылганын, бирок кымбат болгондуктан адамдар газды жылытуу үчүн колдонуп жатканын айтты.