Евразиялык Фонд Кыргызстанга 3 миллион доллар грант бөлүүнү жактырды

Евразиялык Турукташтыруу жана Өнүктүрүү Фонду Кыргызстандын 3 миллион доллар грант алуу үчүн берген арызын канааттандырды. Бул тууралуу Кыргызстандын Саламаттык сактоо министрлиги билдирди. Акча тез жардам унааларын сатып алууга жана медициналык мекемелерди тез жардам унаалары менен камсыздоого жумшалат.

Келишимге жетишилгени тууралуу Саламаттык сактоо министри Алымкадыр Бейшеналиевдин EFSDдин аткаруучу директору Андрей Широков менен сүйлөшүүлөрүнүн жүрүшүндө белгилүү болду. Ошондой эле, алар Кыргыз Республикасы менен Евразия Өнүктүрүү Банкынын ортосундагы кызматташтык, анын ичинде коронавируска каршы күрөшүү маселелери талкуулашты.

Эскерте кетсек, ЕӨБ 2006-жылы Россия менен Казакстандын ортосундагы келишимдин негизинде түзүлгөн. Ага Армения, Тажикстан, Беларуссия жана Кыргызстан дагы кирет.