Кыргызстандык жеткинчек Путинден жаңы жылдык белек катары «Газпромдун» акцияларын сурады

Кыргызстандык жети жаштагы мектеп окуучусу Рустам Ташматов Россиянын президенти Владимир Путинге кат жазып, Жаңы жылга карата кыялын — «Газпромго» же «Роснефть» компаниясынын акционери болуп, Туланын таттуу токочторун татып көрүүнү өтүндү.

Россотрудничестонун өкүлдөрү баланы дымагы үчүн мактап, ал келечекте мунай жана газ тармагына болгон кызыгуусун сактап калат деп ишендиришти.

«Бул аралыкта Кремлден Рустамга пакет жөнөтүлдү. Белектер Россиянын Илим жана маданият борборунда Жаңы жылдын алдында тапшырылат», - деп кошумчалашты мекемеден.

Рустам Бишкектеги № 29 гимназиянын экинчи классында окуйт жана «Жакшы Адамдар» мектеп кыймылынын активисти. Ал достору менен биргеликте ишембиликтерде, кайрымдуулук иш-чараларында чоңдорго жардам берип, тарыхый окуяларды белгилөөгө арналган иш-чараларга катышат.