Россиянын тышкы иштер министри Кыргызстандагы бардык саясий күчтөр өлкөнүн тагдыры үчүн жоопкерчиликтүү болот деп ишенет

Россия Кыргызстандагы бардык саясий күчтөр январдагы шайлоого чейин Октябрь окуяларынан тийиштүү жыйынтык чыгарып, өлкөнүн тагдыры үчүн жоопкерчиликтүү болот деп күтүүдө. Бул тууралуу Россиянын тышкы иштер министри Сергей Лавров ТАССка берген маегинде билдирди.

«2021-жылдын 10-январында Кыргызстанда кезексиз президенттик шайлоо болуп, жазында кайрадан парламенттик шайлоо өткөрүлөт.

Кыргыз достор Октябрь окуясынан туура жыйынтык чыгарышканынына жана бардык саясий күчтөр өз өлкөсүнүн тагдыры үчүн жоопкерчиликти көрсөтөрүнө ишенебиз», — деди ал.

Кыргызстанда кезексиз президенттик шайлоо 2021-жылдын 10-январында болот. Президенттен тышкары шайлоочулардан башкаруу кайсы формасын тандашат. Ал парламенттик же президенттик башкаруу системасы.