2020-жылы Кыргызстанда үй-бүлөлүк зомбулук 62%га жогорулады

Жогорку Кеңештин төрагасынын орун басары Аида Касымалиева 2020-жылы үй-бүлөлүк зомбулуктун саны 62%га көбөйгөнүн айтты. Анын айтымында, буга коронавирус пандемиясы себеп болгон: өзүн изоляциялагандыктан, көпчүлүгү үйдө камалып, жумушсуз калышкан.

Кырдаалдан чыгуу үчүн парламентте аялдардын укугун коргоо боюнча гендердик кеңеш түзүлгөн.

Касымалиева белгилегендей, депутаттар буга чейин үй-бүлөлүк зомбулуктан жапа чеккендерди коргоо боюнча бир катар мыйзамдарды кабыл алган. Бирок алар иштебей жатат. Анткени адамдар бул көйгөйдү туура эмес кабыл алышат. Өлкөнүн көпчүлүк жашоочулары зордук-зомбулук аялдар үчүн жеке көйгөй экенине ишенет. Башкалар ага маани берүүгө милдеттүү эмес. Мындан тышкары, өлкөдө кризистик борборлор иштейт, бирок алардын алдын алуу иш-чараларын жүргүзүүгө акчасы жетпейт.