Бишкек көчөлөрүнө 448 тонна туз чачылды

Бир күн мурун Бишкекте «Тазалык» муниципалдык ишканасынын кызматкерлери түнкүсүн дагы көчөлөрдү жана тротуарларды кардан тазалап башташты. Эртең мененкиге чейин коммуналдык кызматтар борбордун көчөлөрүнө болжол менен 448 тонна техникалык туз чачышты.

Карды тазалоого Жол тейлөө бөлүмүнүн (ДЭУ) 25 кызматкери жана 38 атайын техника тартылды: МАЗдын базасында 25 кар тазалоочу унаа, 4 универсалдуу УКМ унаасы, 5 мини трактор «Беларусь», 2 жүк ташуучу ЗИЛ-130 жана 2 жүктөгүч.

Мындан тышкары, Бишкек шаарында 650гө жакын тазалагыч, 123 жүктөгүч, санитардык тазалоо кызматкерлери жана 105 адамдан турган топ катуу таштандыларды чыгаруу боюнча иш алып барышат.