Китепканачы Татьяна Леонтьева: «Кыргызстандын адабиятына болгон кызыгуунун өсүшүн күтүп жатабыз»
30 декабрь 2020

Китепканачы Татьяна Леонтьева: «Кыргызстандын адабиятына болгон кызыгуунун өсүшүн күтүп жатабыз»

Екатеринбургдун китепкана борборунда өзүнүн «Кыргыз адабиятынын бурчу» түптөлөт, анда орустар кыргыз жазуучулары, маданияты жана улуттук чыгармачылыгы жөнүндө көбүрөөк биле алышат. Ал эми Кыргызстандан барган мигранттар тематикалык иш-чараларды өткөрүп, кыргыз адабиятын талкуулай алышат. Бурчтун ачылышы 2021-жылдын башына пландаштырылган жана аны толтурууга Кыргызстандын Екатеринбургдагы Башкы консулдугу жооптуу. Демек, китеп тандоо татыктуу болот! Екатеринбург китепкана борборунун эл аралык бөлүмүнүн башчысы Татьяна Леонтьева «Кыргыз Элимдин» журналисти менен болгон маегинде пландар жөнүндө кененирээк айтып берди.

Бул бурч тууралуу так түшүндүрмө барбы?

Өткөн жумада эле Кыргызстан менен кызматташтык келишимине кол койдук. Идея жаңы башталды. Бурчта так эмне болушу — консулдуктан көз каранды, анткени консулдуктар өзүлөрүнүн бурчтарын, тил жана маданият бөлмөлөрүн өздөрү толтурушат. Башка өлкөлөр үчүн мындай бурчтарыбыз бар — албетте, келечекте фондко калат, бирок консулдуктар менен толтуруу иштери жүрүп жатат. Австрия бөлүгүндө сонун чыгармалар бар, кытай бөлүгүнүн фонду Кытайдын Башкы консулдугу чоң фонд түзгөн. Венгриянын Башкы консулдугу дагы ушундай кылып жатат: алар маданият, искусство жөнүндө китептерди, көркөм адабияттын бөлүгүн, өлкө жана каада-салттар жөнүндө билим берүүчү кинотасмалар менен дисктерди алып келишти. Биз, албетте жайгаштырууга катышабыз — анын кандайча жакшыраак, пайдалуураак болору боюнча кеңеш беребиз, бирок толтурууга жооптуу эмеспиз. Сувенирлерди консулдук дагы алып келет, бирок бизде сувенирлер көп эмес.

Бурчтун максаттуу аудиториясы ким болот — Кыргызстан диаспорасынын өкүлдөрүбү же орустарбы?

Орустар болотго, алар үчүн бул кызыктуу. Мигранттардын көп келгени эсимде жок.

Башка өлкөлөр менен өз ара аракеттенүү тажрыйбаңыздан улам бурч кандай иштей тургандыгын, иш-чаралар кандайча уюштуруларын айтып берсеңиз.

Иш-чараны биз уюштурабыз, бирок консулдуктун колдоосу менен. Биз маалымат беребиз, кулактандырууларды жазабыз, сценарий түзөбүз, консулдукту буга катыштырабыз. Биз алар менен кандай иш-чара боло тургандыгын, аны кандайча уюштуруу керектигин, кандайча көрүшөрүн макулдашып, аны толуктоо жана уюштуруу жөнүндө талкуулайбыз.

Бул кимдин демилгеси болгон — консулдуктарбы же китепкананынбы?

Консулдуктун демилгеси. Акыркы бир жылдын ичинде алар кыргыз адабиятына, тагыраак айтканда Чыңгыз Айтматовго арналган бир нече иш-чараларды өткөрүштү. Ал жакка көптөгөн адамдар келишти, экскурсияга чыгышты. Келгендерге бардыгы жакты, ошондуктан алар бизге кошулууну каалашты, анткени биздин платформа шаардагы эл аралык багытта кызматташкан китепканалардын ичинен жалгыз. Бул бурч ийгиликтүү болот деп ишенем.