Кыргызстандык мигрант сулуулук сынагында «көрөрмандардын алкышы» сыйлыгын алды

Россиянын борборунда адаттан тыш сулулуук сынагын аяктады. Ага дүйнөнүн булуң-бурчунан келип, Россияда жашап жүргөн селкилер катышышты.

Эң көзгө көрүнгөн катышуучулардын бири кыргызстандык Камилла Полотбекова болду. Ал элдик добуш берүүнүн жыйынтыгында «көрөрмандардын алкышы» сыйлыгын жеңип алды.

Камилла кыргыз диаспорасынын иш-чараларына такай катышат, жаштарга байланыштуу ар кандай иш-чараларды уюштурууда Кыргыз конгрессине көмөктөшөт.

Ал эми сынактын жеңүүчүсү тажикстандык Фатима Каладарова болду. «Вице-мисс» сыйлыгын Тыва Республикасынан келген Диана Бадыргы ээледи.

Россиянын мигранттар федерациясы уюштурган сынакка Кыргызстан, Тажикстан, Өзбекстан, Казакстан, Украина, Молдова, Түркмөнстан, Ооганстан өңдүү мамлекеттерден жана Россиянын курамындагы республикалардан 200дөн ашуун кыз катышты.